Хор ветэранаў вайны і працы арганізаваны пры Ашмянскім раённым Доме культуры ў 1990 годзе ў перыяд правядзення III Усесаюзнага фестывалю народнай творчасці. За час свайго існавання калектыў неаднаразова  распадаўся, але арганізоўваўся зноў дзякуючы сваім моцным творчым традыцыям.

У 2006 годзе хору ветэранаў прысвоена ганаровае званне “народны”.

З 1995 па 2010 год; з 2013 па 2016 год  кіраваў хорам ганаровы грамадзянін горада Ашмяны —  Уладзімір Васільевіч Карасёў. На сенняшні дзень кіраўніком калектыву з’яўляецца Свідрыцкая Вераніка Валер’еўна. Хормайстр – Брашко Юрый Чэслававіч.

Хор налічвае 21 чалавек ва ўзросте ад 61 да 84 гадоў.

Удзельнікі калектыву  — пенсіянеры, якіх аб’ядноўвае любоў да песні. Калектыў працуе ў цесным супрацоўніцтве з народным ансамблем народных інструментаў “Карусель” выкладчыкаў  Ашмянскай дзіцячай школы мастацтваў, які забяспечывае аркестровае  суправаджэнне.

Аснову рэпертуару калектыву складаюць лепшыя песні беларускіх і рускіх кампазітараў аб гераічным мінулым савецкага народа, беларускія народныя песні, а таксама творы мясцовых аўтараў.  Калектыў у поўнай меры валодае тэхнічнымі і мастацка-вобразнымі сродкамі харавога выканання, уменнем перадаць характар і настрой твораў, якія выконвае.

Хор ветэранаў вайны і працы прымае актыўны ўдзел у культурным жыцці раёна. Акрамя канцэртнай дзейнасці, ён арганізоўвае творчыя сустрэчы з вучнямі школ і студэнцкай моладдзю.  Дзейнасць хору карыстаецца павагай у насельніцтва і служыць дастойным прыкладам маладому пакаленню. За справаздачны перыяд калектывам дадзена каля 10 канцэртных праграм і выступленняў.

За актыўны ўдзел у рабоце па патрыятычным выхаванні моладзі і творчыя поспехі калектыў неаднаразова адзначаўся граматамі ўпраўлення культуры Гродзенскага аблвыканкама і аддзела культуры Ашмянскага райвыканкама.

Калектыў пастаяны ўдзельнік абласнога фестывалю мастацкай дзейнасці ветэранскіх калектываў “Не старэюць душой ветэраны”

Руководитель хора                     В.В.Свидрицкая

Добавить комментарий

Ваш адрес email не будет опубликован. Обязательные поля помечены *

*
*
Website