“Гісторыя краіны, гісторыя сімвалаў”. У Бераставіцкай бібліятэцы адбыўся круглы стол
У рамках мерапрыемстваў, прысвечаных святкаванню Дня Дзяржаўнага герба, Дзяржаўнага сцяга і Дзяржаўнага гімна Рэспублікі Беларусь супрацоўнікі Бераставіцкай райбібліятэкі сумесна з работнікамі Тэрытарыльнага цэнтра сацыяльнага абслугоўвання насельніцтва Бераставіцкага раёна і прадстаўнікамі раённай арганізацыі Беларускага грамадскага аб’яднання ветэранаў арганізавалі круглы стол “Гісторыя краіны, гісторыя сімвалаў”.
![](https://sp-ao.shortpixel.ai/client/to_auto,q_lossless,ret_img,w_724,h_543/https://www.beresta.by/wp-content/uploads/2024/05/img_20240510_115509.jpg)
Герб, сцяг і гімн дзяржавы – галоўныя сімвалы незалежнасці, якія перадаюць гісторыка-культурную спадчыну нашага народа, падкрэсліваюць нацыянальны дух і годнасць беларускіх грамадзян. Яны адлюстроўваюць галоўныя рысы нацыі і дзяржавы, даючы ўяўленне аб гістарычным шляху краіны і яе галоўных каштоўнасцях.
![](https://sp-ao.shortpixel.ai/client/to_auto,q_lossless,ret_img,w_724,h_543/https://www.beresta.by/wp-content/uploads/2024/05/img_20240510_110915.jpg)
У ходзе мерапрыемства ўдзельнікі круглага стала абмеркавалі ролю і значэнне сімволікі ў жыцці кожнага чалавека і краіны ў цэлым. У выступленні перад атрымальнікамі паслуг Тэрытарыяльнага цэнтра сацыяльнага абслугоўвання насельніцтва Бераставіцкага раёна было падкрэслена, што кожны грамадзянін нашай краіны абавязаны ведаць дзяржаўныя сімвалы, выконваць законы дзяржавы, паважаць традыцыі і культурныя каштоўнасці беларускага народа.
![](https://sp-ao.shortpixel.ai/client/to_auto,q_lossless,ret_img,w_724,h_543/https://www.beresta.by/wp-content/uploads/2024/05/img_20240510_114502.jpg)
Удзельнікі сустрэчы прыйшлі да высновы, што абавязак кожнага – шанаваць памяць бацькоў, дзядоў і прадзедаў,якія змагаліся за светлую будучыню, незалежнасць і мір на зямлі, шанаваць кожны дзень, пражыты ў свабоднай Беларусі пад мірным небам, з павагай ставіцца да Дзяржаўнага сцяга, Дзяржаўнага герба і Дзяржаўнага гімна як сімвалаў, якія адлюстроўваюць палітычную самастойнасць і незалежнасць нашай дзяржавы, гісторыю яе станаўлення і развіцця.
![](https://sp-ao.shortpixel.ai/client/to_auto,q_lossless,ret_img,w_724,h_543/https://www.beresta.by/wp-content/uploads/2024/05/img_20240510_112936.jpg)
Наведвальнік Тэрытарыяльнага цэнтра сацыяльнага абслугоўвання насельніцтва Бераставіцкага раёна Артур Васько выканаў песню, прысвечаную ўрачыстасці.
![](https://sp-ao.shortpixel.ai/client/to_auto,q_lossless,ret_img,w_724,h_543/https://www.beresta.by/wp-content/uploads/2024/05/img_20240510_111626.jpg)
Удзельнікі круглага стала пазнаёміліся з прэзентацыяй “Тры сімвалы роднай дзяржавы”.
![](https://sp-ao.shortpixel.ai/client/to_auto,q_lossless,ret_img,w_1024,h_768/https://www.beresta.by/wp-content/uploads/2024/05/img-72963303a1e6b32128ca6c27a7dd8bad-v-1024x768.jpg)
Данута ЛАГАДА, бібліятэкар Бераставіцкай райбібліятэкі
Фота райбібліятэкі
Источник: «Берестовицкая газета»